終身成就獎得主謝賢今晚以全白西裝出席，他先後五次講「我真係好開心，今日見番你哋。」謝賢上台時，台下嘉賓全場起身拍掌，謝賢以90度鞠躬答謝。
謝賢在台上說：「多謝大家，我好耐冇見你哋喇，因為我年紀大，就嚟退休，哈哈。真係好開心，今日見番你哋。」謝賢又向台下發問：「你哋有冇嘢要問我？我真係冇嘢講，我喺呢一行到而家，已經係60幾年嘅事，再見你哋好開心，希望大家開開心心，健健康康。」他又打趣說：「我諗在座冇一個年紀有我咁大？我33咋，咁都講多我兩歲。我希望將來我再拍多啲好戲俾你哋睇！」
之後特首林鄭月娥上台頒獎，她說：「四哥，佢哋叫我頒獎，係因為我都年紀大，我由細就睇你電影。我個時睇唔同嘅戲，有好多女主角，但點解男主角就得你一個？」謝賢又發揮搞笑本色：「我都唔知喎，可能我貪錢啦，我出嚟搵錢啦。」
(資料來源：網上截圖/連結)
