上屆影帝古天樂負責頒最佳男主角，他在台上說：「今次幾個角色難度都非常之高，秋生角色要坐輪椅，基本上靠上身做戲。城城基本上係個好人，但最後要做大反派，要呃人兩個鐘唔易。吳鎮宇要演中年危機，究竟佢係真係辛苦，定係演技，我都唔識分。黑仔演性別危機，我都會諗，佢究竟係咪要提名女主角！至於發哥仲勁，佢係城城幻想出嚟嘅人。」
影帝寶座由57歲的黃秋生奪得，曾兩度獲金像獎「最佳男主角」，今次他憑《淪落人》一片，第三度封帝。戲中秋生飾演半身不遂要靠坐輪椅度日的失婚男昌榮，與菲傭Evelyn一段微妙的主僕情。
黃秋生除了是影帝外，他先後獲得「香港舞台劇獎」劇帝及「萬千星輝頒獎典禮」視帝獎項，是首位集影帝、視帝、劇帝於一身的香港演員。
秋生與曾美慧孜、陳小娟擁抱。秋生上台後再戴帽：「要CHOK下先。」他又說：「原來真係有奇蹟，唔係講我，我係講今晚，初頭話有好多後生仔做，以為死得，點知好好睇，好有意義，要俾掌聲。」
秋生又取笑古天樂：「我喺新一代電影大享拎呢個獎。如果我知佢係秦朝返嚟…」古天樂就插嘴「得啦得啦」秋生續說：「我想話掌聲會多啲啫。」
秋生之後又多謝導演：「多謝小娟欣賞我，佢成日喺片場當我小朋友氹，又提我好攣起腳趾。Also thank you Crisel ,you dance with me in this moive,you are my angel .多謝投票俾我嘅人，等我知我演技有肯定；多謝唔投票俾我嘅人，等我知我有不足。」
其後秋生再說：「多謝楊受成對我經濟上支持，等我唔收錢可以拍呢套戲，不過大家唔好學我，但如果大家想拎獎，就可以試下，因為好心有好報。多謝我太太，忍耐一個成日失蹤嘅老公，出現嘅時候又人凳合一。」
最後秋生感觸多謝已過身的媽媽：「多謝我媽媽，佢喺生命最後一刻教識我，生命好短，唔開心你就笨喇。」
(資料來源：網上截圖/連結)
