朝中有人好辦事，加入娛樂圈想打響知名度，當然有 個資深藝人姨媽姑姐唔多唔少亦都幫到手。一向拿手飾演 潑辣騎呢角色的馬蹄露近日瞓身支持親姪馬米高做藝人兼 KOL，可惜姪仔在無綫跑足六年龍套一樣冇人識、想做翻版網絡英文權威蕭叔叔亦呃唔到like，直到上月在社交網推 出《跟著姑姐去登台》系列短片，憑著在海關噴膠擾民、搭 高鐵破壞環境等無品行為，影片從一貫二、三百人次觀看 直升上近30萬點擊，兩姑姪努力多月，終於呃嬲成功！
馬蹄露 拍片呃嬲成功
今時今日想出名易過借火，以馬蹄露姪仔馬米高為例，身高普通外形 普通，五官則與姑姐馬蹄露十足餅印，13年加入無綫拍劇，產量極高出品近五十套劇，可惜全部做大茄、對白都冇句，於是自設fb專頁同youtube channel希望靠上網殺出一條血路。其實年近三十歲的馬米高大學主修英 語、做過中學英文老師、亦任職過國家地理頻道為節目配音，英文水平毋須 質疑，不過論資格同字正腔圓不如蕭叔叔、論靚仔同鬼馬又唔及紅遍中港台 Mr.Yang楊家成，網絡人氣持續沉底。
兩姑姪北上 搭高鐵，明知要過安 檢物品有管制，一樣無知 隨身帶備大大支噴髮膠。被 高鐵職員要求拋棄，馬蹄露 同馬米高輪住物盡其用即場 噴膠，還當玩具一樣互噴 嘻鬧，完全無視關口規 定和其他人感受。
姑姪拍住出醜
直到近月馬米高拖埋馬蹄露落水，推出「跟著姑姐」系列，打埋溫情牌 再靠攞過無綫「最厭惡角色演繹獎」的馬蹄露打救，點擊終於向上微調。不 過其KOL大業原來都係要靠負評呃嬲再轉發才真正達到巔峰！上月初，馬 米高跟住馬蹄露北上登台，兩姑姪在海關安檢處拍片、噴髮膠噴埋路過旅 客，搭高鐵倒瀉咖啡榨乾三文治、搞到座椅地下一片狼藉，對個人劣行不但 不自知，還興奮喧嘩一人一句拍片拍足全程再擺上網，該片極速獲得三百次 分享、超過29萬點擊，被本地網民鬧爆二人無品當有趣影衰香港旅客、內 地網民就直踩港人質素一樣低，恨上位的馬米高終於一夜成名如願得償！
污染車廂
臨上車先買的咖啡被倒瀉，馬米高毫無悔意亦無意圖 清潔座位，只用大疊廢紙膠袋墊住坐。
而馬蹄露咖啡 食物搞到一地都係，再當浸濕三文治係玩具繼續整污 糟摺枱，加上兩姑姪愈玩愈興起拍片保持高音量，嘈足全程。
網民怒轟
自封英文人生教練
除咗藝人、Youtuber身份，馬米高亦積極拍片辦講座教英 文，更打赤膊自封英文人生教練教人講英文、學約會。
撈茄6年
大學畢業有中學執教英文資格，不過其貌不揚的馬米高就一心想在 幕前發展，13年加入無綫由跑龍套做起，至今依然係大茄。
英文唔夠蕭叔叔字正腔圓聲線討好，馬米高教學片就抄足有90萬粉絲追蹤教英文網紅楊家成的鬼馬幽默風。
兩線劇集《愛回家•開心速遞》同《福爾摩師奶》都有馬米高份，不過 唔係群眾演員就係面試家長之一，極不起眼。
自爆被花旦欺凌
跟著姑姐除咗去登台，仲有「Ma Can Cook」煮食系列， 新年期間馬蹄露教整應節角仔，兩姑姪拍足半個鐘傾無可傾惟有 爆是非吸點擊。馬蹄露自爆曾經拍劇被花旦欺凌，她稱該當紅花 旦為「豬仔」，其中一場「豬仔」搶完佢對白仲鬧爆馬蹄露「你 瞓醒未呀？」之後仲惡人先告狀，對受委屈到匿埋爆喊的馬蹄露 發爛渣：「咁唔使拍啦！仲點拍啫！信唔信我去高層度Log（投 訴）你喇？」馬米高在旁追問誰是「豬仔」，馬蹄露只透露當時拍 的劇需要古裝轉時裝，時裝轉古裝。
馬蹄露入行三十年拍劇無數， 次次拍劇都有大量姐仔共演對 手戲，不過佢講明要時裝古裝 兩邊不停轉換，就肯定得處境 劇《皆大歡喜》，至於邊個係 「豬仔」？劇中女角甚多，包括 薛家燕、梅小惠、趙學而及陳 彥行等等，嫌疑犯絕對唔少， 真係好難估。
(資料來源：網上截圖/連結)
