安心偷食事件爆出後，全城轟動，安仔背Sammi偷食黃心穎，開記招爆喊向Sammi及其家人道歉，Sammi將facebook封面轉為黑色，外界以為她已心死，Sammi沉默2天，今日終於開腔回應，在IG留言稱他們不會放棄對方、彼此會互相糾正，長文的最後，更加上一個心形emoji作結尾。
她在上載IG留言2小時已有逾17萬like，圈中好友容祖兒、楊千嬅、張繼聰、張敬軒、G.E.M.、周柏豪、車婉婉、鄧麗欣、蔡卓妍、江美儀、胡定欣、連詩雅及方力申等均在鄭秀文的IG留下心形emoji，而蘇永康及梁漢文則留下心形符號及加油emoji，網民即回覆「話吓你老友啦X」、「幫手監管你個bro罰抄佢（Sammi）IG啲留言10次啦」。
有網民留言給Sammi打氣：「我雖然唔係妳粉絲，但係聽妳嘅歌、睇妳嘅戲長大。睇到呢啲事發生喺妳身上，真係好心痛。路係妳嘅、決定權最後都係妳嘅。很多人都會支持妳，要幸福走下去。」不少fans表示支持偶像決定：「無論你的決定是如何？我們都會支持你，你永遠是最棒的。」
(資料來源：網上截圖/連結)
