【有片】Seasun生日有高潮? 趙世曾陪唱K承諾送杭州樓

181

「高潮女」鄧思宸(Seasun),早於17年接拍大台節目《有樓萬事足》時,她一句「有樓有高潮」成為坊間金句,Seasun同時被踢爆曾獲富豪趙世曾安排入住過「趙苑」,有指趙世曾當日眼見Seasun無家可歸予照顧和收留,Seasun則向記者解釋自己為趙世曾做接待嘉賓工作,所以才入住趙苑,不過卻爆出Seasun被發現帶男人返趙苑而被趙世曾趕走。

Seasun去年接拍三級片《原罪》,賺下片酬上車買樓,她風騷升呢做業主。Seasun的目標當然不只是「蝸居」,她仍是心儀何文田的豪宅,她表示以此為目標進取工作上位。Seasun日前24歲生日,大肆慶祝,竟然獲「舊老闆」趙世曾相約陪慶生,Seasun日前接受《蘋果》電話訪問時自爆:「趙生有嚟,我哋食完飯去半山唱K。」相片中看到壽星女Seasun原本一身斯文look進餐,還捧着一束鮮花拍照切蛋糕,還有跟趙世曾在車廂合照,相中的趙世曾卻別轉臉未有看鏡頭。Seasun其中一張相是拿着鮮花去拜神,她說:「因為生日喺吳啟明餐廳食飯嗰陣,佢隻貓咁啱前過咗身,而我咁啱手上有束花,咪去拜拜後邊土地公公,唸經超渡隻貓,加上我本身都唔係好鍾意收花。」

但場景一轉,卻發現Seasun換了低胸紅裙,胸前放了兩個壽包,她手持了一支蠟燭,似要準備許願,這個吹蠟燭方法太有創意。到底Seasun為何突然轉look?她解釋:「係呀,半山唱K要dress up吓,去吓新場。」

問到為何趙世曾會陪伴度牛一?Seasun表示兩人近日有生意往來,她說:「我同佢開會,有個外國公司客,想租佢長洲別墅做員工宿舍,只租不賣,長短可傾,正常嚟講租兩年。」Seasun坦言生日願望,她想搞生意:「我想開私人訂制服務公司,接受一般支付方式,更引入London最新電子貨幣交易AF coin(air force coin),提供專業意見及貼身嘅度身訂造,能為客人造出獨一無二的禮物。」趙世曾陪Seasun生日,暫時人到,但禮未到,Seasun說:「趙生會送禮物嘅,佢叫我去杭州自己睇樓揀吓,我下個月去揀。」Seasun如獲趙世曾兌現生日收樓,不知可會出現她口頭禪「有樓有高潮」?

Seasun的生日相,獨照多過合照,問到為何跟趙世曾合照時,他未有一同望鏡頭?她又爆料:「趙生啱啱紋咗眉,佢話唔多滿意,唔想影相。」估不到82歲的趙世曾原來好貪靚。

(資料來源:網上截圖/連結)