今年是胡諾言和陳琪結婚10周年，由於已經生了兩女一子，孻仔Jayden只有兩歲大，慶祝節目亦要預埋一家大細。胡諾言透露與太太和子女、爸爸媽媽、外父外母及幾位朋友一齊去了日本立山黑部旅行，他說﹕「今次揀咗跟團，因為有老有嫩，希望老人家睇多啲景點，會開心啲。」
雖然不是二人世界，但太太沒有詐型，他苦笑說﹕「阿仔要飲奶，有時攰就要抱住佢瞓覺，我就孭埋個好重嘅背囊，又要take care老人家，今次真係體力大考驗，全部辛苦嘢我做晒。」
做男人要一力承擔，但胡仔都有在IG感謝太太多年來的包容，他說﹕「10年日子話長唔長，話短唔短。能夠學懂包容，談何容易！用上十年時間學習欣賞優點同時更要接受缺點！多謝妳給我一個溫暖的家！老婆，I love U。#10週年#結婚週年紀念」
陳琪亦感激老公多年的照顧：「人生有幾多個十年？我唔知道！不過我們才剛剛一走過第一個，10年前的今天你我許下承諾！能依靠着你的肩膊，緊握着你的雙手，感受被愛的每一天！謝謝你！為家庭的付出！接受我的缺點！期待和你每一個十年。Happy Anniversary，幸運是我，小女人。」網民都大讚兩人是圈中模範夫妻。
(資料來源：網上截圖/連結)
