近日最火熱嘅話題，一定係杜汶澤被程美段Kiwi指拖糧，後來杜汶澤更在FB回應咗相關事件。拖糧事件一被公開後，引起大量網民討論。喺4月29日，杜汶澤就事件再作一次回應。其實程美段Kiwi過去的行為同處事都十分高調，如果唔認識佢嘅朋友籍呢個機會了解一下佢喇！
Kiwi事件簿
美女學徒程美段Kiwi大波就好多人知㗎啦！佢成日着到鬼火咁性感，博出位真係冇所不用其極。最近佢又拍咗條片，着住件泳衣喺沙灘蕩蕩下，真係波濤「胸」湧。但有啲巴打就喺佢IG見到KIWI BB早前嘅相，發現唔同樣嘅？
美女學徒Kiwi個樣好清純，但身材都勁好！
睇佢啲IG相就知，TVB幫佢做造形，突出咗佢清純嘅特質！真係有幾分似大馬嘅林明禎！
但係程美段KIWI自己影嘅相，去年七月嗰陣，真係完全唔同樣喎！Sorry，你係邊位？
所以化啱個妝都好重要！！！
低調中的高調
無綫早前下令，一眾美女學徒不得性感、不得接Job，以保形象。但Kiwi高調的作風一於少理。之後佢更聲稱純粹自己去行下動漫展，唔係做嘢。又喺Instagram上傳自拍，懶理無綫指令，唔怕會入雪櫃！佢話自己係著得特別啲，但又唔係唔健康，覺得幾可愛吖，而件衫都唔係露胸，只係件露腰嘅平頭一字膊咋嘛！係囉，有道理啊，又冇Deep V又冇透視，係少布啲環保啲！
但講真，比著其他人著同一件衫就未必可以有呢個效果喇⋯⋯Kiwi有睇頭得嚟又係幾有諗頭嘅～怪唔得之龍友們咁興奮啦！
Kiwi雖然喺香港土生土長，不過原來本身係中菲混血兒！爸爸係香港人，而媽媽就係菲律賓人。
(資料來源：網上截圖/連結)
