有份演出原創劇《向西聞記》的張建聲、陳安立、趙永洪和李美琪等人，前晚出席完該劇首映後，昨晚更與導演吳兆麟齊齊開facebook live暢談拍攝點滴。
該劇明天將會播出的新單元《食女性地嘉亨灣》，戲中趙永洪飾演一個時薪38蚊的嘉亨灣保安員，性格咸濕、賤格兼爛口，夜蒲亂吹自己住嘉亨灣兼開戲，結果搭上豪放女牛雜妹，更冧掂對方去後樓梯打野戰。
鏡頭前以為趙永洪享盡艷福，但他直言其實一點都不好受：「拍嗰陣又熱又焗，但演員有呢個好處，正常你唔會做嘅嘢，演戲就有機會畀你感受吓，其實都幾鬼驚，寧願上番床好過。」但提到「靠吹水呃女上床」，趙永洪似乎不太認同：「真的假不了，假的真不了，大話始終係大話，有一日會穿，呃人嘅嘢唔好做呀。而家網絡資訊太氾濫，要自己分清楚邊啲係真同假，如果唔係都好大鑊。」
扮豪放女的牛雜妹亦說：「好開心今次導演咁大膽，搵我做一個豪放女，希望我嘅表現冇令佢失望。但係呢場戲喺拍嘅時候好緊張，因為講我主動錫趙永洪，要摸佢身體唔同嘅部位，好怕唔小心掂到佢，等佢以為我想非禮佢，哈哈，好彩導演親身指導示範，加上對手嘅配合，呢場戲總算有驚無險順利完成。」至於會否接受一夜情的速食文化，她說：「我唔特別贊成或者反對呢件事嘅發生，如果感覺到而大家都係單身，why not?」
(資料來源：網上截圖/連結)
