江若琳和丈夫蕭潤邦（Oscar）在旺角為上海生煎皇第5間分店堅信號上海生煎皇開幕剪彩，陳柏宇一家三口、小肥和艾粒等人亦有捧場，至於江若琳前老闆林小明快步路過，二人沒眼神接觸冇打招呼。今次食店投資7位數字，鄰近的舊分店快將滿約，Oscar表示會視乎加租幅度決定是否續租。Oscar指做飲食業很辛苦，凡事都要親自落手落腳做。而旺角遊客較多，所以太太亦有教他講國語，更笑言：「教我講吃你下的麵，但發音要準確。」至於江若琳平常亦會對生意給予意見，更負責聽取客人意見：「做得飲食耐，但唔可以麻木，所以我講完意見佢都會聽。」
婚後二人忙於生意，但Oscar謂不忘生仔計劃：「我收工得閒就想生仔，婚後都想有新成員，但唔可以急，大壓力啲嘢就會唔正常，啲嘢健康先生猛。」江若琳表示現時有看中醫調理身體。
另外，陳柏宇抱着女兒一出場即成焦點，他謂趁女兒沒反抗便爭取時間多抱一會，太太在旁投訴：「夜晚12點前唔知點解冇人爭，朝早又爭住㗎。」陳柏宇表示為搵錢不抗拒一家人拍真人騷，而他和太太各自有投資生意，他說：「佢揀我唔係眼光好，係我眼光好揀到佢，同埋任何人眼光都比佢差。」
(資料來源：網上截圖/連結)
