現年45歲的姚樂怡出道時憑34C豐滿上圍而受注目，15年她為老公生下囡囡Gaibe，身材依然沒有走樣。
近日樂怡聯同「七魔女」成員文頌嫻、梁靖琪及鍾麗淇，為另一魔女成員周家蔚與劉永健主持的ViuTV節目《友枱VIP》擔任嘉賓，眾人傾偈時，話題扯到曾否被男藝人「抽水」，眾魔女都表示有類似經歷，其中樂怡更分享她擊退「鹹豬手」的招數：「舊時拍劇有個老前輩傾偈嗰時會有意無意咁摸身摸勢，我咪笑住同佢講：『唔好Body Check我啦老爺！』之後有場戲見到佢，佢又想摸我，我就再講：『你又Body Check呀？』佢呢次就知我話緊佢，以後唔敢亂嚟。」
樂怡與「七魔女」經常聚會見面，樂怡於節目中大爆家蔚喝酒後會含情脈脈地望住她，尤如把她當成愛人，但其他姊妹就反擊指樂怡每次都以駕車為由不飲酒，又齊齊投訴樂怡專拍下她們酒後失儀行為。不過，樂怡解釋她只是一番好意，希望一班姊妹知道自己酒後模樣作警惕之用。
另外，文頌嫻曾先後在無綫和亞視拍劇，節目中她被問到兩台文化有何不同時，文頌嫻指亞視許多監製和導演也是電影界紅人，所以演員拍劇都要遷就幕後製作人員檔期，相反無綫聘用較多新人，所以演員自主權相對較大。
記者曾致電樂怡，欲了解那位前輩「鹹豬手」，但未有有回覆。記者再致電周家蔚問「鹹豬手」是誰，但她表示不清楚：「唔知喎，佢冇講到邊個喎，真係冇講喎。我哋都想知邊個，但事後完全唔記得咗問返佢。」
(資料來源：網上截圖/連結)
