蔡卓妍因「冇仔生」遭吳浩康當眾羞辱

65

林峯、蔡卓妍(阿Sa)和方中信演出的網劇《PTU機動部隊》,將於明晚(9日)登陸「黃Viu煲劇平台」,今次阿Sa在劇中飾演PTU女沙展何慧玲,最初與吳浩康(Deep)有一段情,不過只是為了層樓才急着與阿Sa結婚,但阿Sa一方面希望專心事業,另一方面又因為小時曾接受一次手術,雖然最終康復,但令她終生不育。

因為拍擋兼好友遇襲入院,阿Deep不單沒有安慰女友,反而怪責她沒有將婚事放在心上,結果阿Sa在醫院向阿Deep攤牌,表明自己:「我老婆同阿媽都唔可以做!」最後被賤男上身的阿Deep當眾羞辱「唔係女人」:「嗰日你聽住我阿媽講咩,生一個仔一層樓呀,你唔生仔我邊有樓呀?聽住,依家我飛你,一切我買唔到樓嘅損失,唔該你賠償返畀我!仲有,有男人掂你,都係貪你唔使戴袋咋!」

與此同時,阿Sa的短髮look亦成為劇組茶餘飯後的話題,在拍攝期間因為演唱會關係而不能剪短頭髮,惟有戴假髮上陣,她說:「林峯、方中信同譚耀文個個指住我個假髮嚟討論,其實我前後修剪過幾次,仲俾個假髮箍到條頸好痛!」幸好亦有人讚她02年演出的電影《我老婆唔夠秤》造型相似,總算她有點安慰。

(資料來源:網上截圖/連結)