28歲的林欣彤（Mag）出道9年，參加《超級巨聲2》後簽約無綫及英皇的她，16年改簽王祖藍成為旗下歌手藝人，不過上月Mag宣佈跟祖藍「和平分手」，原來她決定改簽華納，一於和老友許廷鏗（Alfred）拍住唱。
出道有「小巨肺」之稱的Mag一向是唱得之人，去年12月本來舉行首個演唱會，未料最後因為聲帶出問題，演唱會最終要取消，至今年3月才為老友Alfred演唱會任嘉賓，原來Mag當時已經和簽約華納，但至昨日才正式公佈。
日前華納及Mag分別在IG宣佈合作，Mag開心留言：「終於公佈得啦！！！而家我身在東京拍MV都覺得好雀躍，我好鍾意呢個大家庭～～個個都好照顧我！各位多多指教呀！」
目前正在日本為新歌拍MV的Mag，接受電話訪問時表示：「好開心！收到好多朋友樂迷祝賀，畀咗好多信心我。同埋好開心公司好錫我，第一首歌可以去日本拍MV。新歌5月底就會推出，好想快啲畀大家聽到。」
(資料來源：網上截圖/連結)
