【後巷按摩調情？】33歲「黑幫阿嫂」蔣祖曼疑與已婚風水師過從甚密

33歲蔣祖曼在大台劇《鐵探》首次演黑幫阿嫂，為角色的粉紅髮色更漂染26次，導致狂甩頭髮，不過「陸蔚喬」一角卻令她成功「入屋」，但人紅自然是非多，今日有周刊報道指，蔣祖曼疑與風水師羅雲龍過從甚密，日前蔣祖曼出席完活動，與羅雲龍見面，男方為蔣祖曼拿背囊，稱二人在後巷抽煙時，他為蔣祖曼按摩後頸，見途人經過才縮手，之後他們到灣仔一間唐樓，報道稱直至深夜，仍未見蔣祖曼步出。

蔣祖曼的經理人Grace回應：「當然唔係啦，我哋幾家人包括泰臣、祖曼同阿龍（羅雲龍）都好熟，係好朋友，大家嘅屋企人都係好好朋友，幾家人成日都聚會。當日佢哋兩人相約探望一位朋友，之後泰臣、祖曼老公同我都會合佢哋一齊食飯，何來唔見咗幾個鐘，根本冇事發生。」

蔣祖曼於2007年與從事電影幕後的陳卓麒結婚，蔣祖曼當年只得21歲，努力跟繼子陳滌相處，視如己出，她於2015年為老公誕下愛女陳可，兩公婆更互相配合工作時間，方便照顧小朋友，蔣祖曼近日接受傳媒訪問未有提及感情生活出現問題，不過她已有半年未有貼出老公的照片上社交網，未知是否婚姻出現暗湧，而羅雲龍亦是已婚男，育有兩女兒。

此外，羅雲龍昨日亦在IG轉貼蔣祖曼的報道，寫道：「好開心見到努力工作，熱誠投入嘅你得到大家嘅肯定，今後要繼續多加努力呀！妳嚟緊嘅運氣將會越來越好，加油！」為蔣祖曼事業打氣。