多圖) 李施嬅簽約美國經理人公司 做Marvel隊長師妹

李施嬅與Brie Larson做同事

講到今年4月初李施嬅約滿TVB後決定唔續約，離巢外闖，呢日她透露近日同美國經理人公司Authentic簽約，跟「Marvel隊長」女主角Brie Larson做同事，她說：「好開心，之後一年都會多到美國工作，有機會參與電影及電視劇演出。」施嬅透露在亞洲區的工作仍靠自己去接洽。

李施嬅捱義氣「回巢」重拍

由於發生安心事件，《法證先鋒IV》要重拍，宣在離巢的李施嬅也答應回巢幫手重拍劇集，李施嬅表示夾期重拍《法證先鋒IV》有點麻煩，但應該都無問題。

李施嬅 約滿離巢TVB

李施嬅今年4月在IG宣布離巢TVB，她貼咗一張出席《2019 Canadian Screen Awards》的舊照，留言：「回頭望，看看在TVB多年的日子，好自然就會帶出微笑。TVB就像媽媽一樣，教育我、栽培我、保護我，帶着我成長。就算去到遠遠的加拿大頒獎禮，也有TVB陪伴。我今天有的成就、認同、將來的前途，都是TVB給我的。感恩每一次給我的學習同演出機會，孩子長大了，要出去見識了。」又表示不捨得TVB的同事、工作人員，監製及導演等，相信這次只是暫別：「總有一日一定會再聚。」

無綫官網的藝人名單中李施嬅亦已被除名，《法證先鋒IV》及《金宵大廈》或成為她在無綫的告別作。對此李施嬅話：「大家都話我個名喺TVB網被刪除咗，的確係我同佢哋嘅合約已經滿咗喇！啱啱，係囉！但我同TVB嘅關係係良好嘅，咁我好感激、好感恩有TVB栽培我，令到我今日有機會可以喺外國有啲成績，令到有好多人會欣賞我，或者畀好多機會我，我好感激每位監製、珍姐、樂小姐、Tommy，其實每一個台前幕後嘅工作人員、演員都有份，令到我呢一個學生，而家終於可以畢業，終於可以試吓出去闖吓，所以我並唔係話要永遠離開TVB，只不過係我覺得係時候長大，要出去，TVB永遠都係我嘅屋企，永遠都好似我屋企人咁樣、我爸爸媽媽咁樣栽培我到今日，我永遠都會好感恩，我永遠都唔會忘記有呢個大家庭，我覺得今次只不過係暫別，我好相信將來一定有機會再敍嘅。」

03年參加香港小姐入行

李施嬅原名李詩韻，03年參選香港小姐獲「最上鏡小姐」及「才藝小姐」兩獎，及後她與TVB簽約，隨即被安排拍《天涯俠醫》。

Selena簽約TVB後拍攝過不少劇集，在《樓奴》、《寒山潛龍》、《紫禁驚雷》中的表演都讓人印象深刻，更獲得了「萬千星輝頒獎典禮」最佳女主角的提名。不過在大台已經出道15年的李施嬅從配角做到女主角，但15年依然沒有得到任何獎項，讓她感到灰心，甚至開始懷疑自己的能力。

李施嬅演活瑪利蓮

而Selena在《荷里活有個大老千》中飾演瑪利蓮，不少觀眾讚她的演出比以往生鬼了很多。

而有一幕Selena在15秒內擺出21個誘惑pose，令到網民熱議，紛紛讚她有喜感，做得好！

李施嬅加拿大返港選港姐

當年李施嬅是以「李詩韻 」之名參選港姐，這是爸媽的主意，「 爸媽覺得詩韻比較女性化，好似靚啲。」但為紀念逝去的嫲嫲，就算公司有微言，她也不顧一切決定改名：「 人人都話我不理智，明明詩韻已經好深入民心，忽然改名太冒險，但改名之後這兩、三年，我卻有脫胎換骨的感覺，好有趣!」

近年升呢做女一，雖然她的演出獲不少觀眾讚賞，她在《萬千星輝頒獎典禮》頒獎禮獲多次提名也未獲獎項，去年她獲提名「飛躍進步女藝員」，李施嬅也直言想試攞獎滋味，可惜仍空手而回。

晒海外獎爆喊

近年李施嬅把事業重心放在外國，於13年曾到新加坡拍電視劇，17年Selena在美國遊學期間因一次機緣巧合下自薦出演微電影《Once More》，意外獲得了「European Cinematography Awards」和「Los Angeles Film Awards」最佳女主角，成為雙料影后，讓她的演技得到國際的肯定！

由於李施嬅在外國的名氣並不如香港，所以當地的導演、監製對她都完全零認識，所以完全要靠自己的實力去把角色爭取回來，Selena在試鏡中成功打敗了過百個演員，成功贏得角色，果然「真金不怕洪爐火」，有實力始終會被人賞識的！