現年44歲的男神吳彥祖（Daniel）剛出席完康城影展，風采依然，但驟眼看上去似乎清減不少。當以為他修身減肥時，原來是死過翻生。今年4月Daniel趁出席金像獎時，接受男子組合廿四味訪問，席間透露3月時患上盲腸炎，因為延誤求醫而險死，Daniel表示「等多一日有機會瓜咗」。
廿四味先後找來不少圈中好友如李璨琛、MC仁、陳國坤等做訪問，昨日則播出吳彥祖在4月時做的訪問。Daniel一出場就講「Happy to be alive」，並透露：「上個月（3月）爭少少瓜咗。」當時太太Lisa S.因工作離家數日，家中只有囡囡及一名傭人，而Daniel自己已訂好周末到加拿大的機票，準備出發跟友人玩Snow Board。Daniel重提出事當日情況，他說：「星期四晚食完飯瞓覺 到半夜12點突然醒咗，係咁嘔，以為食錯嘢。捱到第二日睇醫生，佢都以為食錯嘢，開咗止嘔同腸胃藥。」回家食藥後情況未有好轉，腹部仍然劇痛難當，他說：「好『乸』痛，嗰胃感覺好似畀人踢春X咁，每10分鐘踢一次。真係未試過咁『乸』痛。」此時廿四味的成員大讚Daniel「好忍得下」，陳子聰更笑他「喜歡玩SM」，Daniel不失幽默說「有少少嘅」。
捱了2日「飲乜痾乜」，最後10幾小時頭沒有喝水，20多個鐘沒有去廁所，Daniel知道事態嚴重，最後找家姐求助。家姐帶他到就近的醫院，醫生發現Daniel肚非常漲，照CT SCAN後證實是盲腸發炎，他說：「盲腸爆咗要開刀，醫生話平時啲人一兩個鐘頂唔順，唔知點解你可以捱3日，醫生同我講等多一日有機會瓜咗。因為其他腸胃都腫晒，開刀拉唔到條盲腸出嚟，最後洗咗入面，吊咗鹽水一星期。」Daniel笑言由病發到住院，足足9日沒有吃東西，瘦了足足15磅，更慘的是在醫院只能看電視消遣：「9成廣告都係食物廣告，真係好辛苦，最後熄咗部電視。」老婆Lisa S.知道要做手術，就即刻開10幾小時車趕到醫院，更即場鬧Daniel為何不及早看醫生。
(資料來源：網上截圖/連結)
