【好溫馨呀】Rafael百日宴 慈父鄭嘉穎情深錫錫寶貝仔

不經不覺，鄭嘉穎同陳凱琳個寶貝仔鄭承悅（Rafael），已經出世3個多月。第一次做爸爸的鄭嘉穎，今日就在社交網站中貼出Rafael百日宴照片，相中的Rafael眼仔睩睩非常可愛，身為爸爸的嘉穎，亦不禁錫錫囝囝。

鄭嘉穎今日在IG中貼出為囝囝Rafael慶祝的百日宴照片，身為主角的Rafael着上一件直間恤衫及吊帶褲，打扮得非常醒目，看到嘉穎及陳凱琳對住囝囝又抱又錫，非常溫馨。而嘉穎亦留言，表示希望囝囝可以每日都感受愛及喜悅：「鄭承悦，爸爸媽媽為你改呢個名，係希望畀你一個承諾，令你每一天都感受到愛同喜悅，祝你一百日生日快樂，We love you so much」，看到嘉穎望住囝囝及忍不住錫囝囝時的情深樣子，相信Rafael一定可以感受到爸爸對他的愛。