【孕照留念】讚52歲懷孕妻陳麗麗 黃澤鋒：大肚得嚟好有型

黃澤鋒年初宣佈52歲老婆陳麗麗懷孕，囡囡乳名叫「小黃妃」，老婆早前受妊娠濕疹影響，全身又痕又痛，幸好有老公黃澤鋒悉心照顧，目前已痊癒，黃澤鋒亦小心照顧懷孕愛妻的日常起居飲食，二人坦言有意再追B。

他們早前拍攝懷孕照留念，黃澤鋒接受訪問時說：「今次影呢輯相係我第一次同太太叫『三個人』一齊影相。」黃澤鋒指他們結婚時沒影婚照，當時只以簡單衣着去影相，陳麗麗續道：「我哋係諗住有B嘅時候就會將件事鋪大啲，希望留嚟紀念，今次有個好朋友提議幫我哋影輯相，我哋都好開心呀！拍手掌話好，我哋去影喇！」

黃澤鋒讚這輯相影得太太又靚又有型，他賣口乖說：「大肚得嚟都好有型！真係影得好靚、好開心。」陳麗麗笑指：「大家都OK，今次係一個好好嘅留念，而家陀B約32周，預產期喺7月，重咗好多，80公斤。」黃澤鋒解釋：「佢就80公斤，B女好似重咗，但佢個肚好大個。」陳麗麗稱B女目前3磅幾：「OK嘅！都健健康康，不過肚大，個人累贅啲，行路辛苦啲，其他都so far so good！」黃澤鋒自言越來越緊張，因為即將步入「終點」，迎接愛女出世。