29歲的胡鴻鈞（Hubert）早前拍無綫劇集《降魔的2.0》一場吊威也戲時，不慎由高處墮下撞傷頭部受傷入院，於聖德肋撒醫院留院一星期，今日下午3時由助手陪同出院。穿着一身黑色衫，戴上口罩的胡鴻鈞表示，今日醜樣所以要戴口罩做訪問，Hubert步行動作緩慢，頸項未能轉動，Hulbert氣若游絲說:「康復進度好好，需要繼續休息，預計要抖幾個月，醫生話要睇個人狀態，醫生話我後生進度ok。」意外墮地時後腦着地，胡鴻鈞表示，已經不記得當時情況，至於是否即時休克，胡鴻鈞說：「當時情況唔記得，要問番同事。」
胡鴻鈞表示已經做腦部檢查及掃描，他說：「表面冇流血、冇穿，係震傷咗裏面。」問到有否失憶?他說：「唔記得嘢有少少，而家好容易眼瞓，暈暈地，但係正常。」至於傷後有否後遺症，他說：「乖就ok冇事。」《降魔的2.0》拍攝尾聲，尚餘少部分吊威也戲未完成。是否由替身完成餘下拍攝?胡鴻鈞說：「休息下先，再睇公司安排。」至於原先安排他與吳若希於一個月之後到美國登台，胡鴻鈞自言希望到時已康復可以起行。
(資料來源：網上截圖/連結)
