【家人支持復出】大囡識照顧屋企 小雪安心返港幫漢洋做嘉賓

小雪與漢洋到新城接受老友啤梨訪問，移居澳洲的小雪今次因為擔任漢洋周末舉行的演唱會嘉賓返港，她表示現年15歲的大囡乖巧，加上又會幫手照顧弟弟，令她可以安心飛返香港，今次亦是近年返港時間最長一次，逗留兩個星期，她說：「近幾年返香港都係路過咁，今次重點係做嘉賓之餘，再搵番好多舊朋友，好似舊同學聚會咁。」漢洋笑言今次邀請到小雪專程返港，真是無以為報，心想肉償但又被拒，不過看看會否有機會，兩人再做多首合唱歌，漢洋說：「以前就話睇機會，而家機會係自己製造，最重要係搵到適合題材去唱。」

仔女開始長大，加上丈夫經常出埠工幹，小雪表示近年多了自己的時間，問到會否有心癮想唱歌？她說：「都想做，自己好鍾意唱歌，加上而家去做係享受心態，經歷又多咗，唱歌感覺都唔同。」身邊不論丈夫、女兒及朋友都支持她復出，她說：「個囡好支持，佢平時係好沉默嘅人，但聽到我想唱歌就好支持。」小雪透露囡囡有跳舞天份，若果將來有機會開騷，可以邀請囡囡一齊上台演出。