張美妮去年12月宣佈與髮型屋老闆老公黃偉強（KK Wong）成功造人，日前在IG宣佈女兒已經平安出生，還有個乳名叫「笑咪咪」。
張美妮說：「我們的寶貝女出世了！同大家介紹佢嘅乳名叫『笑咪咪』，因為佢一出世就成日都笑咪咪，連醫院啲姑娘都咁講吖！有佢喺度令到我同老公都感到非常喜悅、開心、溫馨，真係成日都笑咪咪吖！乖女，Welcome to our family! We love you.」
其實張美妮陀B後仍活躍社交網，不時post近照晒陀B生活，上月張美妮才post過「卸貨」前嘆甜品的照片，媽咪陀B心情靚，難怪B女出生時都「笑咪咪」。
剛剛榮升媽咪的張美妮今日回覆傳媒時表示：「我係開刀生㗎，不過比開刀日期前早咗一日作動入醫院，老公有剪臍帶呀，不過當時我一聽到BB聲，即刻感動到喊啦，都唔得閒望佢有冇喊，但係知道老公真係非常之感動，剪完臍帶即刻抱BB，真係好開心啊！」張美妮還說：「我返咗屋企幾日喇，而家我負責餵奶，老公就負責掃風同換片一齊去學習照顧BB，真正感受到好family嘅感覺！」
(資料來源：網上截圖/連結)
