【專程請假返港】劉愷威楊冪為小糯米搞生日會 劉丹：一齊集郵

劉丹（丹爺）到將軍澳為運動用品專賣店舉行揭幕儀式，今個周日（16日）是父親節，丹爺透露兒子劉愷威會返港，一家人度過。

劉愷威和楊冪女兒小糯米今年五歲 ，家人早前為小糯米舉行生日會，父母均有現身，丹爺說：「揀咗6月1號國際兒童節幫孫女開生日會，好開心邀請咗好多同學仔，最開心係家長，好難得咁多人聚會一齊集郵。佢（小糯米）嘅Daddy緊張到一早喺內地拍緊戲都打電話返嚟搖控我哋點樣裝飾佈置，訂咗好多氣球幾尺高，孫女見到好開心，走嘅時候好唔捨得啲氣球，喺度喊 。」

丹爺指小糯米父母專登請假返港為女兒慶祝：「前幾年都簡單同屋企人慶祝，但今年五歲就決定幫佢搞一個大型少少嘅party。」今日楊冪已飛抵米蘭，準備工作。