由張晉、鄭嘉穎、鄧麗欣及劉心悠主演的《九龍不敗》，日前於銅鑼灣JP戲院舉行首映禮。導演陳果聯同一眾演員包括UFC拳王Anderson Silva、陳鈺芸（JuJu）、周國賢、李麗珍、吳耀漢、吳嘉龍、林雪、吳岱融及董瑋亦有出席。JuJu在台上示範踢腿功夫。
張晉拍攝今次電影，高呼好彩沒斷手斷腳，他說：「其中一場失手頭撞天花板，背脊撻落樓梯，差啲跌斷條腰，當時成嚿骨凸咗出嚟，自己睇番片，其實好大機會跌斷條腰，休息咗一個禮拜就繼續拍攝。」對於今次與拳王拍攝，張晉說：「佢係真拳王，第一次拍戲 打到佢痛都冇反應，我話你唔做反應係唔會收貨，一定要畀觀眾睇到，因為佢係職業拳手，習慣唔會畀人睇到弱點，所以慣咗痛都唔會表現出嚟。」
今次在戲中沒機會拍動作戲的Stephy表示，希望接受訓練，將來有機會參與動作演出，張晉就建議Stephy每天早上5點跟他一起練習，Stephy說：「今次最大動作戲就係追輕鐵。」
鄭嘉穎透露，現在忙湊仔，工作時間以外，都是陪伴太太及BB，嘉穎說：「同老婆喺時間上安排，盡量唔會兩個人都唔喺屋企。嚟緊太太生日，會一家離開香港旅行。」嘉穎指基本現在每齣戲都有動作，他說：「同邊個打冇得揀，但當然希望同有經驗嘅演員，因為冇拍過動作戲嘅演員唔識就力，好易受傷。」
恨拍動作片的劉心悠說:「好想試打人或者俾人打，自己對MMA都好有興趣，但自己身形說服唔到觀眾，自己而家鍛鍊緊，希望能夠有機會嘗試。」
(資料來源：網上截圖/連結)
