【有片】陳凱琳28歲生日想過二人世界 鄭嘉穎塞囝囝入酲缸

港姐陳凱琳前年嫁鄭嘉穎，今年2月榮升人母，囝囝鄭承悅現4個月大，錫老婆鍚到燶的嘉穎，為慶祝老婆今日踏入28歲的大日子，精心策劃一家三口慶生之旅，昨早孖老婆和囝囝出埠過三人世界。今日陳凱琳在社交網貼鬼馬短片，嘉穎抱着囝囝扮放入酲缸內，企圖撇甩囝囝過二人世界，陳凱琳做出「o殊」的手勢，兩人左望右望驚人發現，囝囝就一面呆萌樣任父母魚肉，十分搞笑。

陳凱琳搞鬼留言：「我諗住生日可以過二人世界，但係悅悅實在太恐怖啦， 點都擺脫唔到佢！」最搞笑是三條短片各有一個酲缸，嘉穎見缸就擺囝囝入內，悅悅全無反抗之力，就算半個身子被老竇抱入缸內，都完全冇喊冇扭計，可愛爆燈。