今年39歲的容祖兒（Joey），今年1月承認單身，與劉浩龍的5年情玩完。今日有雜誌報道指，最近Joey與好友阿Sa、阿嬌等人出海滑水，因而與老闆楊受成的細仔楊政龍（Alex）過從甚密，更指二人滑出愛火，撻着4個月。
自回復單身後，Joey經常參與朋友聚會，除了滑水外，一班朋友早前約埋去日本滑雪，加上二人同屬英皇，二人有不少共同朋友，見面機會更多。早前Joey去LA拍特輯時，曾說過她入廚煮食的話，一定是拍緊拖煮給男友吃，湊巧兩個月前，Joey被拍到去超級市場買牛扒。
在4月中，Joey從法國回港，她落機後未有即時返家，反而回了公司，而Alex每天都很早回到公司。到4月尾，G.E.M.在高雄舉行演唱會，Joey和Alex亦有去捧場。更指5月生日的Alex，與Joey一齊慶生，兩人相處得好開心。對於Joey秘撻Alex一事，Joey回應說︰「佢就想。」而Joey的經理人Mani亦回應︰「我都希望係，但唔係。」
(資料來源：網上截圖/連結)
