葉璇、溫碧霞（Irene）與丈夫何祖光、岑潔儀一家等，日前於金鐘出席微笑行動慈善晚宴，葉璇跟Irene均為支持微笑行動主席趙曾學韞，齊來幫助有需要的小孩，Irene更捐出80本寫真作慈善義賣。
久未在港露面的葉璇大爆趙太是她的恩人與伯樂，皆因趙太是99年葉璇參選國際中華小姐的評審之一，她說：「因為佢我先入到呢一行，係佢投我嘅一票，趙太嘅慈善活動冇論大陸同香港都會支持。」葉璇現時長駐北京，主要拍劇、拍電影及演話劇，問到她的感情生活？她笑說：「都係咁，呢幾年都穩定。」問到她與男友小默有好消息了嗎？她說：「結婚？我唔覺得結婚先係好消息，有人同你相愛先至重要，可以做個伴，結唔結婚唔重要，如果要等呢個好消息，你哋要等好耐，我唔係唔想，而係大家真心相愛就唔需要結婚。」問到她會為生小孩而結婚嗎？葉璇說：「我幾年前已經喺外國雪卵，呢個已經係保險，唔使擔心，而家享受二人世界先，小朋友應該係喺伴侶之後，唔會排喺老公之前。」另外提到之前跟男友舊愛打官司，期間有跟小默分手的傳聞，葉璇澄清說：「好多傳聞，係亂講，我唔會講呢個人，有人主要目的係宣傳，佢有舖頭賣嘢，再講對佢都唔公平，因為佢有自己嘅實力。」問到這事會否影響跟小默的感情？葉璇堅定說：「唔會有負面影響，只會係正面影響，大家更加珍惜彼此，我都同情嗰個女仔。」
(資料來源：網上截圖/連結)
