【恭喜】林子善IG宣佈喜訊:期待小公主的來臨

68

37歲的藝人林子善,16歲已經參演星爺的《喜劇之王》,2017年與拍拖6年的圈外女友Kary註冊結婚,2018年補擺喜酒時,不少圈中好友都出席恭賀,祝福他們連生貴子。

日前終於有好消息,林子善於社交平台貼出超聲波相,並留言:「期待小公主的來臨,你要乖乖身體健健康康,懷胎10月辛苦晒大寶貝。睇得到感受得到做母親真係……好X辛苦大家真係要孝順父母,學懂感恩父母養育之恩。」不過相中寫着「16.6.19父親節快樂」,未知是否因為近日社會反送中事件影響,令林子善推遲公佈好消息。

林子善回覆傳媒表示:「之前驚小器,所以冇講畀大家知,過咗三個月,而家可以講,所以話畀大家知,多謝晒,《鐵馬》班兄弟一早知,因為佢哋聞到啲味,我老婆成日都放假,因為陀B頭三個月辛苦啲,預產期係12月,多謝關心。」

(資料來源:網上截圖 / 連結)