現年75歲、縱橫影視圈60年的秦沛，有讀者報料指秦沛叔中風入院，疑被廣告商封鎖消息！
傳媒聯絡秦沛女兒姜麗文求證，她否認父親中風，斥傳聞離譜：「Of course not!He’s perfectly fine and healthy,點解會無端端有人咁講㗎？So crazy lol！黐線！I can’t believe this rumour can start, my God. My father is so healthy!! He’s 100% fine」
姜麗文表示：「好多謝大家嘅關心，我爸爸係非常之健康，佢好精神，佢好好，所以好希望大家唔好繼續講呢個話題，因為唔係真嘅。」
孝順女姜麗文即時將傳聞通知老竇，她說：「爸爸都笑，佢話多謝大家關心，佢非常之健康，啱啱喺泰國拍完電影返咗嚟香港，佢仲話係咪搞錯咗其他嘅人，或者係咪多啲關心其他姓秦嘅藝人呢，總之我哋大家都好健康好精神好開心，多謝大家關心，唔係真嘅，佢而家好好。」
(資料來源：網上截圖/連結)
