【有片】鄭秀文自爆喺屋企都搽紅唇膏 謝安琪攬實Sammi嗌好正

73

鄭秀文(Sammi)日前在紅館為《#FollowMi 世界巡迴演唱會 香港站》第5場演出,是晚除了蔡一智與囡囡、蔡卓妍、鍾欣潼、周慧敏、倪震、薛家燕、鄧萃雯、余安安、張繼聰、余德丞和蔡思貝等人在台下睇騷外,謝安琪(Kay)擔任表演嘉賓!

Sammi以「最索人妻」介紹Kay出場,兩人合唱《默契》,Kay攬實Sammi纖腰說:「好正呀,雖然成日睇你演唱會,但未試過咁近,可以攬住,好正呀!」Sammi表示大家都好奇她與Kay關係,其實他們私下是好朋友,Kay最初對着Sammi說:「你真係好好……」Sammi笑說:「有幾好?讚嘅說話唔怕講喎!」Kay續說:「我份人好怕醜,唔係好主動嘅人,你第一次同我講祝福說話又為我禱告,嚇死我,我真係受寵若驚,同埋你好真心,台上台下私下傾偈都係咁真摯、咁用心……我想喊!」然後Kay攬實Sammi再說:「喺我生完BB嘅時候,有一日你突然話嚟探我,我心諗點解你個人咁好?好到晏晝嚟我屋企,仲要着到鬼火咁靚,成身紅卜卜又搽晒紅唇喎!」Sammi笑說:「係呀,我落街倒垃圾都係咁,而且我平時喺屋企都搽紅唇膏。」

Kay又說:「我全家人都好緊張,所以印象好深刻。」Sammi笑說:「你奶奶好熱情,我哋傾咗好耐,其實我都想走,佢幾乎想請我食埋消夜!」Sammi笑稱而家想請年紀比她大的女歌手做嘉賓實在不容易,所以今次決定請一些年紀比她小,甚至是新人合作,她說:「喺新歌手身上我學到好多嘢,我都鍾意同新樂手、樂隊、Rapper合作,佢哋帶畀我新靈感。」

(資料來源:網上截圖/連結)