現年64歲的任達華上周六到中山出席活動，突然有一名背心男衝上台揮刀衝向華哥，華哥遭刺傷腹部及割傷右手四指，被送往當地醫院接受手術，即晚再坐醫療專車送到港安醫院。
華哥經過5日留院，今午1時由Mani陪同出院，他在醫院樓下接受媒體訪問，半百傳媒在場守候，Mani先下來跟同記者溝通：「佢會自己講大約兩分鐘，講完麻煩大家畀佢慢慢行上車，唔好撞到佢，怕佢跌倒。」之後Mani隨即接華哥落樓，華哥身穿淺色運動裝、戴綠色迷彩cap帽，見他精神奕奕，右手還包紮着走出門外。
他的腹部遭刺傷，今日見他行動敏捷、健步如飛，華哥拍照時還舉高左手，向現場眾人及媒體道謝及問好，十分親民又合作，華哥開腔即說：「多謝大家關心，手傷仍要少少時間康復，好番會繼續拍戲，我鍾意拍戲，多謝晒大家對我嘅關心同支持，這幾天辛苦大家，由中山發生事情，馬上安排我做手術，跟住返嚟港安醫院，多謝咁多醫療團隊，真係好感謝你哋。多謝楊生照顧，入院呢5日，手術進度蠻好，手傷咗神經線需要時間，我多謝我家人，辛苦晒。」
記者祝福華哥早日康復，問佢痛唔痛？華哥表示：「有你哋嘅關心，我頂得住。」華哥右手被繃帶包實，要用護臂帶保護右手，腹部隱約見到貼上三塊紗布，華哥其後接受醫院代表獻花，他還禮貌用左手接着花束，華哥其後由Mani陪同上七人車離開。
此外，琦琦未見陪華哥出院，她今日回覆傳媒時說：「我一早就去了，放心！我一早就去醫院了，然後回家等華哥。謝謝你們的關心，一切在心中了。」
(資料來源：網上截圖/連結)
