逆權運動抗爭至今，藍黃勢不兩立，憑打機上位的game界KOL「達哥」林慧韡，近日在社交網罵示威者為「引戰狗」，留言：「請大家無視引戰狗，引戰狗請離開！」結果激起民憤，「達粉」紛紛棄他而去，失望的連登仔更在討論區開帖：「再會，達哥」！
有網民更怒燒印有Q版達哥的遊戲紀念品：「你竟然話我地令你個台唔健康，走咗都唔緊要，話我地係引戰狗。。。今日以相為證，同你從此一刀兩斷，祝你同你淨返落嚟班支持者開心快樂，希望你越賺越多錢！」網民紛紛留言跟達哥割席：「我無咩點睇過達狗嘅片，淨係知佢而家係奶共狗」、「奶共狗無一個值得可憐」、「道不同不相為謀，我都由JTV時期開始睇，但呢獲野真係接受唔到。」
達哥在高峯期擁有逾12萬followers，惟過去30日，追隨人數已勁跌1,400人，今日達哥在社交網上載短片為自己解畫：「大家都知道，最近我facebook同YouTube Channel嘅followers係下跌當中，可能講兩講，而家又走幾個，至於而家仍然好堅定follow我嘅人，我覺得佢哋好善良，而且好硬淨，呢段時間我畀人鬧，而連累到佢哋都畀人鬧。」
為了答謝支持他的粉絲，達哥買了一份禮物親手送給對方：「作為youtuber，梗係覺得followers越多越好，但人數越多係咪代表個台越健康呢？我睇就未必，我最初做直播時，每晚只係有幾百人觀看，人數雖然少，但過程非常愉快同開心，我永遠記得我嘅初衷係對遊戲有熱誠嘅人，一齊開開心心放鬆度過兩個小時。。。」
網民睇完達哥這條片，對他更反感：「明明道個歉，出嚟認番係自己做得唔好，講番幾句反送中相關嘅野已經無事，仲搞咩送禮物..」、「死達狗 恥與為伍」！
(資料來源：網上截圖/連結)
