【有片】【雜食史提芬】張致恒公佈添丁前哭腔聲道歉 女友C小姐:佢叫我唔好嬲

244

張致恒(Steven)周四(25日)公開有未婚妻雯雯及當了爸爸,雯雯為他誕下一子後,隨即被爆死性不改,到處留情,除了將Fans變為未婚妻,還有Moon、C小姐及S小姐向傳媒披露與Steven的情侶關係。

26歲的C小姐是香港人,樣子比實際年紀更年輕,長長頭髮的她外表斯文,說話細細聲兼怕怕醜醜。她對傳媒說:「我14年識Steven,因為有一個傾波鞋嘅群組,佢係其中一個管理員,不過啱啱識嗰時大家都有另一半,有一次群組食飯,佢都有同當時女友莊端兒出嚟,嗰時我自己都有男朋友。」

C小姐說去年11月左右,Steven不時在她IG的貼文留言回應,C小姐說當時不算拍拖,但兩人關係曖昧:「到今年3、4月左右開始拍拖,佢同我講同April已經分手。」C小姐續謂:「其實我6月都留意到Moon呢個人,因為我喺Steven嘅IG見到佢留言,感覺上唔似普通朋友,所以我有睇佢IG STORY,亦都因為咁,Moon見到我睇佢IG,先同樣留意我,然後私訊我。」

不過,C小姐收到Moon的留言,包括問她是誰、是否Steven女友,但全部未有回覆。原因是Steven知道Moon找過她後,曾告誡她不要回覆,指Moon是記者,着她不用理會,惟後來又說經常被Moon這位記者煩着,叫她回覆一下,告訴Moon她並非其女友。

C小姐自認很儍:「我當時真係以為會影響到Steven,驚俾人知道我哋拍拖。」至於Steven忽然宣佈有未婚妻雯雯及兒子,問她有何感受?C小姐則爆Steven在公佈前一天有聯絡她道歉,說自己做錯事,表示將會有大新聞,希望她不要嬲,因為不能再跟她一起。

C小姐指她反問Steven是甚麼事,Steven便向她自爆有一個女仔幫他生了一個BB,說是他的粉絲,因為懷孕了,所以就生下了小孩。C小姐表示:「佢仲話雯雯發現佢同April仍藕斷絲連,仲有Moon,所以逼到媽媽(雯雯)要公開呢件事,要爆料,所以佢就同我講唔好介意。」

可有想過自己是第四者或者第五者?又如何回應Steven?C小姐說:「我冇答佢,因為我覺得咁都冇辦法,已經有小朋友。到新聞曝光後Moon再搵我,問我知唔知道呢件事,然後發現有咁多個受害者,開始覺得點解一個爸爸,知道自己有小朋友,喺外面唔止一兩個女朋友,搞三搞四。」

另外,April公開留言指Steven欠她錢,問C小姐跟Steven可有錢銀轇轕?C小姐稱Steven借了她$3,000至今未還,還向傳媒提供了Steven向她借錢的語音訊息。C小姐表示:「佢問我借咗$3,000,話當晚還$2,000畀我,但到而家都冇還過。」問她有甚麼話想跟Steven說?C小姐說:「我希望佢真係生性,唔好再拈花惹草,要企出嚟向我哋每個女仔負責任,起碼有一個交代。」

C小姐稱新聞曝光後Steven沒有再找她,但都不想再跟Steven接觸,只希望能取回$3,000借款。

(資料來源:網上截圖/連結)