【怕影響心理】Coffee唔想囝囝做童星 預告歲半後減少出鏡

林芊妤（Coffee）以健康食品代言人身份，出席灣仔舉行美食博覽記招，眨眼間囝囝翟德彦經已9個月大，起初Coffee計劃餵哺母乳至半歲大，但自己太迷戀囝囝飲母乳時的黐身，所以繼續餵哺，她笑指每次外出前都要預留時間跟囝囝痴纏一番，間中也會過時而遲到。

囝囝人氣旺盛，Coffee笑指自己也比下去，甚至成為廣告商新竉，她說：「好多謝大家咁鍾意佢，佢有好多fans，好多廣告商話搵佢拍廣告，冇我都ok。」Coffee不抗拒囝囝歲半前曝光，甚至拍廣告賺奶粉錢，但歲半後擔心他有記憶，再加上太早當童星會有種優越感，影響日後心理質素，所以同老公商量後，囝囝歲半後便回復普通小朋友生活，減少在網上分享生活照，換言之，Fans們要好好珍惜餘下9個月時間。

首次代言健康食品，Coffee透露酬勞非常滿意，問到酬勞是否收作私己錢？她笑說：「梗係啦，不過耐唔耐我會買晒機票，畀老公驚喜去旅行。」至於囝囝讀書基金，Coffee指由老公負責，因為老公賺錢能力高。