楊羚以嘉賓身份，於觀塘拍攝開電視的烹飪節目，烹調拿手的咖哩魚蛋，她透露為節目擔任兩天的嘉賓，先會煮一對仔女最愛吃的食物，下一集將是炮製老公最愛吃的海鮮。
多年來楊羚主力照顧家庭，習慣親自買餸煮飯，在家享受家庭樂便最愉快，問到有否想過開一個屬於自己的飲食節目？她說：「未試過喎，之前做節目都係做幫手，太多餸要預備好耐，但係我都好鍾意煮嘢食嘢。」問她經常試食怕肥嗎？楊羚說：「我怕肥嘅，但係我都真係肥，生活最緊要輕鬆開心，想食就食，要身形保持20幾歲真係好艱難，要勁做運動同好節制飲食，肥少少唔緊要，我想要健康，太肥怕照顧唔到屋企，仲要人照顧。」
問到老公介意她肥嗎？楊羚笑說：「佢唔會介意㗎，總之照顧好家人，用咗咁多時間，已經好滿足喇，唔會要求點靚點靚，都咁多年夫妻。」
(資料來源：網上截圖/連結)
