無綫前新聞主播柳俊江（柳爺），7.21元朗恐襲當晚看到網上直播，獲悉白衣人在元朗西鐵站無差別衝入車廂亂打無辜，柳爺即出發駕車趕往協助救人，但在站內被白衣暴徒包圍並以鐵通及木棍襲擊，血流披面，最後頭部縫了8針，他的英勇助人行為畀受激讚。柳爺未有退縮繼續發聲譴責，他連日都有留意遊行示威遍地開花。
日前防暴警又在黃大仙向示威者和巿民射催淚彈清場，有人用蒸餸碟蓋熄催淚彈，令柳爺非常感動，他今日在社交網貼文大讚：「哦！仲唔畀我捉到你？仲唔係CIA特訓出嚟？一隻蒸水蛋碟邊有可能搞掂一個催淚彈？Anyway，以後再有人同我講：『你真係好勇敢。』我可以好虛偽咁回應：『黃大仙啲阿姐都勇過我啦！』PS：傳統上嚟講，黃大仙係唔怕煙攻㗎，再PS：用完隻碟唔好攞番去蒸餸喇 #respect」傳媒聯絡柳爺，問到他頭部的傷勢和明天會否出席大三罷，他以短訊回覆：「謝謝你，我已經完全康復，明天還未決定。」
(資料來源：網上截圖/連結)
