【撐完警搵美金】鍾鎮濤賭城演唱會減價促銷 美國連儂牆「唔好睇佢演唱會」

527

鍾鎮濤(阿B)早前出席撐警大會,更指現今後生仔「九唔搭八」。撐完警感激完大陸支持的阿B,今個月24日會在美國棕櫚泉(Palm Springs)的金泉賭場渡假村(Fantasy Springs Resort Casino)舉行一場演唱會。票價由48美元到138美元5種,可以透過吳興記的網站購買。網站同時可以買到古巨基的世界巡迴演唱會拉斯維加斯站及台灣歌手費玉清「2019告別演唱會洛杉磯站」的門票。

有美國洛杉磯讀者阿Yan報料,指收到阿B在美國演唱會促銷的單張,全面減價每張平20美元,她接受電話訪問時說︰「阿B呢個係幾日前收到,有時48蚊(美元)嘅飛係賭場派出嚟,但係今次68蚊同88蚊都平,我諗冇乜人買,所以要推銷方法,要減廿蚊,因為就嚟開騷。除咗呢個優惠之外,仲有10蚊老虎機賭贈卷同免費巴士接送。」阿Yan自言上一次吳若希跟胡鴻鈞在美國的演唱會都有欣賞,阿B就完全沒有興趣,她說︰「第一我唔係個嗰年代嘅人,第二佢喺香港有啲咁嘅言論(撐警),搞到就算美國呢一邊嘅連儂牆,都有人post『唔好參加佢嘅演唱會』。」阿Yan透露電視只收看到TVB,不過好多資訊可以透過facebook知道,本身亦是《蘋果》訂戶。

早前阿B跟譚詠麟6月30日在金鐘添馬公園,出席「630撐警察,保法治,護安寧」集會支持警察。引起部分歌迷的不滿,網上更流傳多張圖片,顯示有歌迷將他們的唱片踩爛或銷毀。被歌迷唾棄的阿B似乎禍不單行,大前日在美國生活29歲的大仔嘉浚在網上透露看不到生存的原因,發放負面情緒似有輕生念頭。嘉浚同時透露要賣掉第一隻Rolex手錶去解決問題,那隻錶的回憶是有錢都買不到。

(資料來源:網上截圖/連結)