因《逃犯條例》修訂，市民眼見政府漠視民意，香港各界亦籲政府回應市民「五大訴求」，由初期群眾發起和平示威，逐漸演變成警民衝突，過去兩個月來香港經歷嚴重撕裂。昨晚再次爆發警民衝突，港人傷口再次被灑鹽「傷上加傷」，看着新聞直播，少女疑遭警布袋彈射爆眼球、克警在太古站1米內以行刑式掃射開槍、葵芳站內射催淚彈，克警示威者混到人群。
王喜昨晚看到葵芳站情況，即在fb留言：「地鐵站內打催淚彈？！同志，你已親手了結香港。」而歌手徐天佑則在IG寫道：「地鐵站！放催淚彈！黐咗線呀？！」鄭敬基及TVB節目《美女廚房》學徒洛兒（Lokyii）亦在IG轉貼少女眼球受傷的相關文宣。
此外，徐天佑有留意紅衣福建人在北角打記者一事，形容紅衣人行為可恥，又問「點解唔拉人」，曾任職警員的王喜昨晚曾在FB以「外傭」形容白衣人，呼籲警方停止使用「非常手段」，王喜寫道：「請外傭唔係唔得，不過佢哋搞禍咗你屋企後，拍吓蘿柚就返祖家，最後咪又係你住喺間爛屋。咪同我講係你奶奶逼你請佢，唔關你事吖。唔信你又試吓攞張單畀你奶奶，睇吓佢肯唔肯找數吖。你話非常時期要用非常手段，而家連非法手段都用埋，有效咩？呢個無錯係非常時期，但唔會一世㗎，總有一日會完，回復正常時期後，非法手段用慣手勢戒唔甩，就抱憾終生㗎喇。」
王喜又指克警收工時有一件事可以做：「收工嘅時候，用你自己條毛巾，響警棍上面由頭捽落尾，睇吓上面嘅血跡，再望吓你個帽徽。而家拒絕嗰堆不合法命令，仲嚟得切。舉頭三尺係有神靈，警匪警匪，唔係警就匪，二揀一，回頭是岸啊，伙記！」
(資料來源：網上截圖/連結)
