無綫藝員訓練班出身的林秀怡，612響應罷課、罷工、罷市運動，於Instagram留言表示：「今天我休息一天。#香港#加油。」她又無懼大台打壓，在IG story炮轟警方在6.12使用武力對付示威者說：「有冇人朋友係警察，可唔可以幫手問下佢哋做乜X嘢，可唔可以佢哋解釋下我哋做緊乜X嘢？好難忍！」事後林秀怡出席活動被問到有否被大台照肺時，林秀怡說：「都有講話唔再講呢類嘅嘢，叫我小心啲，都唔係照肺，提醒一句。」
不過，做了6年音樂主持的林秀怡，近日卻突然被調離原來主持的《樂勢力》，她上月20日在IG留言表示為節目錄影最後一集，而她有份演出的大台劇《十二傳說》，完全未有安排她出席宣傳活動，連林秀怡也忍不住自己在IG甫相然後留言說：「無表情同黑面只係一線之差 #咁啱《十二傳說》嘅宣傳得都唔會出現啊#唯有喺呢到同大家宣傳吓啦」，種種跡象看來，林秀怡似被是發聲後被無綫雪藏。
林秀怡今日回應傳媒，問突然被調離《樂勢力》會否是發聲後遭無綫雪藏時，她說：「唔係，純係主持調動，換吓人主持啫。」記者指她新劇《十二傳說》出街也不獲安排宣傳，可認為遭公司打壓？林秀怡說：「應該唔會嘅，冇乜嘢。」她表示現時未有任何工作安排，問可擔心被雪藏？林秀怡說：「應該唔係嘅，一切等公司安排。」
其實在6月9日103萬市民參與反送中遊行當日，林秀怡也有IG story用黑色底白色字打上「6.9」，結果遭網民爆粗留言辱罵其患癌母親謂：「6你老母9，舉報你，體（睇）你點系（喺）TVB穩（搵）食，到時做X去幫你老母買藥」，林秀怡就回應說：「其實又唔洗（使）咁激動嘅，大家都有自己睇法嫁（㗎）嘛，不過你講到我家人，我又真係覺得你衰咗少少嘅，少少姐（啫），唔多。」林秀怡又加上大量笑到喊emoji公仔，答得相當得體。
(資料來源：網上截圖/連結)
