【霞姨唔好派飯盒】大媽譴責商台偏頗 去錯港台門口拉橫額

140

逆權運動抗爭至今,各區遊行遍地開花,克警濫權濫捕激起民憤,發起8.5罷工大行動,港台和商台903都有DJ響應,而8.11的抗爭運動,香港更變了黑暗一夜!翌日,商台903全日播特備節目「還我們公義 903個個為甚麼?」歡迎聽眾一齊向政府和警察提問。

今日,商台雷霆881在FB專頁貼短片,有20多名大媽大叔,站在香港電台電視大廈門外抗議商台,拉橫額「強烈譴責商業電台立場偏頗」,叫口號:「反對暴力,還我和諧,嚴厲譴責,香港電台,虛報事實,偏頗報道,市民都清楚,社會要公義,報道要公正,還我公平報道,支持譴責,嚴正執法。」

商台抵死留言:「喂,霞姨,呢班咩人嚟㗎?拎住譴責商台banner企喺港台門口抗議!」、「今日商台門口好熱鬧啊,又有banner又有口號,曬住太陽企足十分鐘,譴責我哋立場偏頗喎。」網民抵死留言: 「商台原來只有幾十條友覺得它偏頗,全香港七百多萬認為它公平、公正,真係香港人的電台!」、「雖不完美,但可以接受, 下次改進」、「港台應該盡地主之誼,畀商台地址佢哋去啱嘅地方發表意見」、「大佬,幫幫手企返過少少啦,張大合照同D片影唔到商台,上面好難批到錢出糧呀!」、「冇不反對通知書,即係非法集結!拉得!」

據知,這班大媽大叔昨日去了港台門外嗌口號,今日就移師商台「開工」,其間冇人遞交請願信,亦冇要求見任何人,只是嗌了約10多分鐘,就已經「收工」離去。

(資料來源:網上截圖/連結)