【撐警集會】鍾鎮濤相隔55日再站台撐警 帶埋台灣老婆范姜現身

鍾鎮濤（阿B）在6月底出席撐警集會，當日他與譚詠麟為活動站台，阿B更說年輕人九唔搭八，惹來多年歌迷不滿。

今日守護香港大聯盟再次在添馬公園舉行撐警集會，阿B相隔個半月後，再次出席撐警集會，今次亦與與老婆范姜一起現身。阿B在上台發言說：「好開心，今日見到好多都沉默嘅一群，嚟支持反暴力救香港，要畀啲掌聲。」阿B在台上大叫支持警隊，又說：「暴力係冇用嘅，如果唔係學校都唔使取消體罰啦，呢樣嘢會有不良後果，好可能令大家都冇得撈。香港係我哋土生土長嘅地方，冇人有權破壞佢。」他又呼籲其他同行出席：「希望以後都有多啲演藝人出嚟，冇國唔會家，冇家唔會有我。」最後他帶領參與集會人士叫口號「希望大家支持中國，支持香港，救香港」。今日現場除了阿B，亦有早前聯同「文化共融」15名成員譴責機場「針對內地遊客和記者的暴力行為」的港區人大代表鄺美雲，亦有「愛國歌手」之稱的張明敏。大會指，有47.6萬人參與集會。

阿Ba日前以簡體字在微博發文向《環球時報》記者付國豪道歉，被大陸網民質疑不是本人發佈，最後亦由范姜澄清是由阿B親自出文。