曾為特首林鄭月娥化妝的化妝師Gary Chung，繼日前在社交網晒出銀行戶口有1,000萬後，再晒坐私人飛機，炫富行為極土豪，他又揶揄示威者是曱甴，惹來網民喪插。
敢言的袁彌明昨日在facebook貼出Gary Chung的截圖後留言：「學人炫富？有錢人眼中，你只是一隻黐飲、黐食、黐坐私人飛機的低等動物。post張匯豐premier卡同1,000萬存款出嚟，簡直惹世人恥笑。下世你坐自己的私人飛機才出來獻世都未遲。被五毛擁護都要出post，真係恭喜你。他日 #林鄭御用死人化妝師，非你莫屬。」袁彌明回應網友留言，再說：「一千萬唔係少，佢亦有物業呀，其他資產，但係咁炫富法仲低等過大陸直播除衫討課金。」
袁彌明也貼出Gary Chung回應立法局議員何君堯的截圖，袁彌明踢爆：「哇，原來同何妖friend。」杜汶澤看到袁彌明發帖也加入寸Gary Chung，他表示要tag「#典型小宮女人格」，邵仲衡則抵死說：「曱甴，窮瘋了。」
Gary Chung的炫富言論，Harvey Nichols昨晚在fb向客戶公佈：「就近日化妝師Gary Chung發表引起公眾不滿的言論，本公司就該等言論深表失望，更澄清本公司由本年度6月1日起已與Gary Chung沒有任何合作關係，特此聲明。」袁彌明即轉發：「Support 100%!」但當事人Gary Chung卻一於少理，他今日凌晨再更新fb：「其實我做咗咁多年化妝，可謂冇乜化妝品牌未合作過，好多更成為咗我好朋友，噚晚仲有好幾位whatsApp同我講話支持我反攬炒嘅帖文。好可惜零售業呢兩個月大受打擊，大家都知係乜嘢原因，尤其經過機場騷擾，甚至虐打遊客事件，全球都驚咗嚟香港。要救救香港，我全力支持法治，然而好多商戶都怕咗麻煩，唔敢發聲。但係大家睇真啲，香港其實仲有好多唔怕惡勢力，敢企出嚟講良心話嘅人。只要大家齊心，一定可以驅走黑喑！」
Gary Chung還呼籲：「支持亂港攬炒嘅品牌，係中國人就真係要抵制！請大家幫手搜集如此品牌(各行各業均可) ，謝謝！」他又貼出一段「簡體」文字力撐自己：「最近有支持亂港的人不喜歡我的愛國言論，強迫化妝品牌不再與我合作，大部份品牌已表示不會理會無恥之徒，不過也有少數品牌，是中國人的就一定不要買!他們笑着賺中國人的錢，背後就是支持暴動的黑心人。」
(資料來源：網上截圖/連結)
