下周便40歲的楊怡在16年與羅仲謙結婚，婚後兩人坦言已經有造人大計，隨時ready做爹哋媽咪，不過因謙謙其後北上搵錢養家，楊怡本身又有工作，時間很難配合，所以令造人大計一拖再拖。不過最近謙謙決定留港拍劇，實行「日頭拍劇、夜晚造人」，還透露太太近期只接拍輕量工作，大家已經隨時準備狀態。
今日有周刊報道表示楊怡和謙謙成功造人，全面停工的楊怡從今年4月開始深居簡出，甚少在公開場合露面，更缺席所有朋友飯局和活動，於是在朋友圈內已經有不少揣測，估計可能因未夠三個月，所以未有向外公佈，而謙謙接受傳媒訪問時，亦表示希望太太今年陀B，最好生一對龍鳳胎，一次過湊成一個「好」字。
對於被指造人成功，楊怡回覆傳媒說：「哈哈，今日有好多朋友都打嚟恭喜我，多謝晒先，但係我唔知自己有咗喎，梗係假喇，如果有好消息一定話俾大家知，我都明白大家好心急，不過好事嘅嘢急唔嚟，慢慢。」
(資料來源：網上截圖/連結)
