今年首奪《2018年度勁歌金曲頒獎典禮》「最受歡迎女歌手」的菊梓喬（Hana）昨晚在九展開騷，卻遇上觀塘九龍灣大遊行，港鐵將彩虹站至調景嶺站之間的列車服務暫停，其後更發展成警民衡突。情況混亂，但Hana的星夢娛樂仍堅持如期開騷，有人質疑：「開騷緊要過人命？」遲遲未有退票安排，觀眾惟有「頂硬上」，結果入座率高達8成，星夢則在開騷後1小時「跪低」，宣佈觀眾保留完整門票連票尾，稍後安排退票。
Hana在完騷後，亦在IG吐心聲，向粉絲致歉：「今天本以為要取消演出，最後萬分感謝今晚的所有觀眾，你們為了來支持我實在太辛苦大家，感激這份愛。能夠為大家演出是我這生的榮幸，大家安全平安是最重要，對不起。要大家辛苦了，真的對不起。」
其實今次是Hana的首次個人演唱會，老闆何哲圖、無綫副總經理杜之克、好友連詩雅、胡鴻鈞、鄭融等都有撐場，但未見緋聞男友張景淳，而周栢豪和師弟古家峯則擔任表演嘉賓。演唱會共有四個造型，Hana以一身公主Look登場，笑言以為自己發夢：「唔相信係事實，上台前仲叫工作人員打自己，證實係真嘅。」
Hana除獻自己歌曲《回到以前》、《只想與你再一起》外，還激罕跳舞，翻唱前輩容祖兒的《隆重登場》和鄭秀文的《Chotto等等》。Hana還興奮與現場觀眾一齊開住手機燈影大合照，她向老闆及丌作人員逐一道謝，並說：「真係好感謝所有到場支持嘅朋友，希望大家都喜歡呢個演唱會，知道自己仲有好多不足嘅地方，睇到令人感動嘅燈海，明 （今）天會繼續努力。」
(資料來源：網上截圖/連結)
