無綫娛樂新聞主播林子博與太太Shirley結婚16年，先後生下大女詠渝和二子卓楠，現年分別14歲和10歲，一家四口本來非常幸福。豈料Shirley早前不幸患上極罕有癌症「平滑肌肉瘤（腹腔）」，並已進入第四期，而癌細胞更擴散到身體多處，現階段Shirley只能接受化療。
林子博今日接受傳媒訪問時說：「香港好少呢個病例，就算全世界都唔多，我最近公開呢件事，係因為我冇晒辦法，想搵呢啲病例都搵唔到，我好希望有藥廠有新藥可以畀我老婆試，我老婆上網見到話美國有個研究中心研究呢個病，但皮費都幾重，又要醫療費又要留醫……自己都需要協助，因為呢個平滑肌肉瘤喺香港係極罕見，大家對呢個病認知唔多，有醫生直情同我老婆講好難醫，真係好洩氣好唔開心。太太今年4月發現有呢個病，而家癌細胞擴散到其他地方，肝臟、胰臟、肺、淋巴同脊背都有。」
問林子博可有減少工作陪太太時，林子博苦笑說：「我太太就停咗工，我點停吖？太太有病，我仲有兩個小朋友要養。但我好感謝無綫娛樂新聞台同事，佢哋喺工作安排上盡量配合我，等我可以陪到太太睇醫生做治療，多啲時間陪太太。不過，我哋係唔會放棄，希望會有奇蹟出現！」
(資料來源：網上截圖/連結)
