陳凱琳（Grace）與森美日前在尖沙嘴出席時裝品牌活動，Grace與老公鄭嘉穎早前慶祝結婚周年，笑言時間過得很快：「8月12號啱啱慶祝咗1周年，主要都係湊仔，簡單咁慶祝。嗰日喺屋企見到紮花，我都冇諗過佢會畀驚喜我，我仲問佢係邊個送嚟？佢話『係我送畀你㗎，老婆』。當日佢求婚都係送黃玫瑰，今次都係，所以特別有意思。」
Grace透露8月中是囝囝6個月生日又是老公生日，因此結婚周年選擇簡單慶祝：「原本都有諗過去旅行，但係未度到長假期，可能遲啲再去。囝囝最近開始食固體食物，都想多啲時間陪佢，做個全職媽媽。」
問Grace可有為囝囝舉行6個月生日會？她表示與家人吃飯慶祝：「老公開始投訴，BB每個月都搞生日party，佢話『夠啦，等BB真係1歲先慶祝』。因為我鍾意整蛋糕，但係BB又唔食得，得我哋兩公婆食，佢話唔知我整嚟做乜。」
同場的森美自爆日前被老婆指他老：「我老婆話我仲有幾年就50歲，嚟緊《森美旅行團》我仲要帶住丁子朗嗰啲去，佢22歲咋，好似帶住我啲仔女去旅行咁。」森美坦言已沒有年輕時的動力，寧願多點在家，享受寧靜生活。
森美笑指年輕時，希望40歲可以退休，現在惟有希望50歲可以實現：「只要我個女唔去外國讀書就得，我自己都係香港讀書，我覺得香港讀書都OK呀。如果佢哋喺香港，我又可以成日見到佢哋，而家可以一齊相處嘅時間都幾難得，離開得太耐會有缺乏。」
(資料來源：網上截圖/連結)
