2011年度港姐季軍許亦妮（Whitney，現名許芷熒）今晚在尖沙嘴洲際酒店設婚宴，與拍拖兩年多的商人男友Alex馮結婚，共筵開40多席。蔡思貝、落選港姐葉蒨文、何依婷、李天縱、陳曉華、梁麗瑩及數名圈外友人擔任姊妹團。
一對新人在接近下午6時拖手接受傳媒訪問，拍照期間Whitney為老公抹汗，Alex情不自禁吻太太臉頰，後來兩人應記者要求，咀嘴長達半分鐘，之後Whitney一度抹嘴繼續拍照，後來Alex再望老婆，再錫一啖，十分甜蜜。
一對新人接受訪問時大方騷結婚鑽戒，被問到「愛的宣言」時，Alex說：「都係講番心底嘅說話，我好愛佢，大家經歷咗好多嘢，今日真係好浪漫，初頭以為自己唔會喊，但一講到誓詞，自己都覺得好感動。」Whitney則說：「係呀，我喊到停唔到，我一世都會咁尊敬我老公，永遠都咁仰慕佢，當佢係No.1嘅偶像。」Alex接着說：「我見到佢喊都好心痛，頭先差啲忍唔住揭開頭紗幫佢抹眼淚，但唔得囉。」
問到誓詞中有哪一句最令他們覺得深刻和感動？Alex表示：「希望下一世我哋可以再喺埋一齊做夫妻，因為總有一日我哋都會離開。」Whitney聞言便說：「你咁樣呢，我又想喊喇！」
講到今早的接新娘環節，Whitney表示很感動：「老公話一世都愛我。」又笑言老公將財政大權交到自己手上，Alex補充說：「我會畀最好嘅嘢佢，唔只係錢。」提到結婚後要努力造人，Alex表示同意，並說長輩希望他們生4個，湊成一對「好」字，Whitney說：「你OK，我OK。」
講到度蜜月方面，他們說未決定，Whitney稱因為自己11月生日，屆時會順道慶祝。再問到她婚後會否減少幕前工作做少奶奶，Whitney說：「都唔係嘅，老公都好支持我，譬如我鍾意煮嘢食，我都會拍片放上YouTube。」Alex即說：「佢煮嘢好好食㗎，我結婚前本身諗住減肥……」Whitney即為老公護航：「你唔係肥，你大隻咋！」Alex聞言即表現得好冧，再錫了老婆一啖。
Whitney被問到婚後會否戒性感，她說：「今日已經係最性感，同佢一齊都可以性感嘅。」結婚鑽戒方面，鑽石代表永恆，但卡數方面不清楚，只表示「係愛心嘅卡數」。
(資料來源：網上截圖/連結)
