逆權運動抗爭至今，政府漠視市民訴求，爆發多次警民衝突，不斷有市民受傷和被捕，過往被視為保護市民的警察，現在卻被投訴濫暴、濫權，很多市民更以「popo」取代「警察」稱號，成為克警的俗稱。
曾撰千字文撐示威者的梁芷珊，昨晚在社交網貼WhatsApp截圖並留言：「我同家人text，一向叫『婆婆』做 popo，原來而家打popo係會出現警察emoji， #幽默會贏」網民都回覆「笑到喊」的emoji，十分抵死。
究竟點解克警會被人叫做「popo」呢？網上有唔同解釋：1）有網民指美國的黑人鬧差佬時，就會叫對方做「popo」；2） police officer的縮寫是「po」，警察通常兩人一組出動，就像po-po；３）有連登仔則指曾在茶記聽到一段真實對白：「有個後生仔碌住Facebook， 問佢個fd：『點解而家D人叫警察做PoPo?』佢個fd答：『唔x知喎…係咪外國咁叫班仆街㗎』跟住同枱阿伯，一邊搞住杯奶茶一邊漫不經心地咁答嘴：「xx鹵味，PoPo狗名嚟㗎嘛！」
(資料來源：網上截圖/連結)
