【生埋呢個夠晒數】蔡少芬生日撇低兩個女 同張晉過二人世界

82

昨日是蔡少芬(Ada)的46歲生日,她的一班好友包括朱茵、鄧麗欣 Stephy、原子鏸丶歐倩怡和戚其義齊齊為她慶祝,雖然Ada剛剛宣佈懷有第3胎,不過她的步履依然輕盈,穿上一條白色連身裙到場,全程十足「開籠雀」,又滿場飛跟其他人分享陀B心得!

身為老公的張晉當然有份出席,他特地為老婆送上一束46枝玫瑰花和粉紅蛋糕,而且還親手撰寫生日咭,見到老公的驚喜舉動,Ada當然甜在心,更情不自禁向張晉送香吻,羨煞旁人。事後Ada笑言:「佢記得我生日,仲準備咁大束花,已經好開心!」問到張晉可有送禮物給她?她表示:「對上一次收禮物已經係聖誕節,當時佢送咗個手袋畀我,其實好感恩,我哋兩個都冇乜物質缺乏,買禮物都係為咗o氹吓對方,佢仲話我今年都冇送生日禮物畀佢。」

好姊妹朱茵笑言叫Ada再生多個,成為「多產」藝人,Ada即笑說:「啋過你!呢啲『多產』我唔要,工作嗰啲『多產』我就要,我就夠喇,冇手再抱,我老公要留番一隻手攬我,所以我『封肚』,生埋呢個夠晒數!」

至於生日願望,Ada表示最緊要是平平安安生個健康BB,昨晚好友的安排下,與老公共度二人世界:「噚晚有朋友送咗一間酒店房畀我哋,所以我要撇低兩個女,好好去享受,佢哋朝早已經同我講咗生日快樂,仲叫我玩得開心啲。佢哋兩、三個星期前已經送咗生日禮物畀我,佢哋將自己鍾意嘅玩具放落鞋盒送畀我,不過轉個頭就攞走晒。」

(資料來源:網上截圖/連結)