由ViuTV節目《全民造星》出道的「騎呢」組合ERROR，人氣及討論度一直與正牌偶像軍MIRROR不相伯仲，當中由ERROR與監製花姐一同拍攝的旅遊節目《花姐ERROR遊》更一直因夠「抵死搞笑」而受網民歡迎。
雖然以搞怪作招牌，但昨晚播出的一集《花姐ERROR遊2》可謂挑戰了觀眾、娛樂圈及電視界的尺度，話說節目有一個自願加鏡頭環節，每次都會提出一些挑戰，讓ERROR成員可以「威」下。
由於事先ERROR成員並不清楚挑戰題目，所以每次舉手前都要深思熟慮，一不小心好易被「玩殘」，而ERROR成員193（郭嘉駿）為了一洗早前被隊員及花姐嘲諷的「乜都驚」及「乸型」形像，奮勇舉手自薦。
結果，當然「舐晒嘢」啦！事關今集要去蟑螂養植場，節目組將一張膠櫈放在圍板中間，193需要坐在其中「沐浴」，數千隻「小強」迎頭倒落193身上，好快193整個人都被小強包圍，場面極度震撼。
193事後將感想寫在IG，「同呢幾千隻曱甴相處完之後敏感咗幾日，又分泌液又被咬咁，尤其是臉同頸被曱甴腳勾到損哂，每日起身都要啪敏感藥再化妝拍攝。記得當刻覺得好痛好驚好恐怖時間過得好慢咁，但成功挑戰之後心靈上好似有一種形容唔到嘅滿足。」他又感謝劇組給予機會挑戰這個世上99%不會或不想接受的挑戰。
193更藉以「曱甴」發表對逆權運動的看法，嘲諷支持政府的人：「平時你見到一隻曱甴，可能會覺得佢搞住你，一下就將佢打死。但如果對住一大堆團結又頑強嘅曱甴，真係對付唔到，你最終都係會輸畀佢哋！#屋企乾淨就唔會有曱甴 #不如先搞清楚點解香港會有咁多曱甴」
(資料來源：網上截圖/連結)
