石詠莉、方健儀、林欣彤（Mag）在油塘出席港台宣傳活動，石詠莉早前在老公鄧健泓大力推動下推出唱片，近日又有新搞作，學習拍片和剪片，她說：「唔想依賴老公，我想拍啲生活同化妝護膚品嘅片段放上網，可以自己做到，最近上載咗第一條片去社交平台，係關於護膚品。」她否認進軍KOL爭食，只是純粹分享美容知識，而且推出唱片後游手好閒，想令自己更充實，又指老公有讚她的作品。
石詠莉透露還有第二擊，會教大家煮中餐，但她竟然將常用的梅菜蒸肉餅，說成豬肉餅配梅菜，令大家「O嘴」質疑她的廚藝。石詠莉笑住解釋：「近期補習英文，有啲confuse，總之會教大家蒸豬肉竅門啦。」
另外，林欣彤多年前已走出抑鬱陰霾，但去年又因壓力大失聲，令演唱會告吹。她透露今年12月將再辦個唱，稍後會公佈詳情，希望能放鬆面對一切，學習將緊張轉化為享受舞台，不斷同自己講別想太多。她透露現在一星期做4日運動，跑步加體能訓練養好身子，亦能有助管理情緒，她自認好大食：「唔好諗一邊食一邊keep fit，一餐食一個飯盒我完全冇問題，仲可以加多件多士，少食多餐會好啲，但做藝人好難，平時自己都識得下廚煮簡單菜式，都係蒸同焗。」
(資料來源：網上截圖/連結)
