涉嫌在台灣謀殺女友潘曉穎潛逃返港，因為洗黑錢罪成，判監29個月的陳同佳，今日刑滿出獄。早上9時03分，他在兩名懲教署人員帶領下，步出壁屋監獄，由牧師管浩鳴接應。陳同佳穿著灰色T恤、藍色風褸、黑色長褲、黑色波鞋，孭着背囊，精神尚算不錯，他主動站到記者咪台前說：「首先我要同曉穎嘅家人講聲對唔住」然後90度鞠躬。
他續說：「我明白因為我自己做咗啲無可挽救嘅錯事，為佢哋帶來好大嘅傷痛、痛苦。我內心一直受責備，所以我願意為自己嘅衝動，為自己犯下嘅錯事自首，返台灣服刑受審，希望佢嘅家人能放下，稍稍釋懷，亦令曉穎能夠安息。」
陳同佳又感謝自己的家人為他無條件付出。「我要多謝自己家人，爸爸媽媽，就算我犯下彌天大錯，佢哋都一直給我很多支持同關懷，對我不離不棄。我不說能報答佢哋、回報佢哋，但我會記着佢哋對我嘅支持、養育之恩。」最後他表示「對社會、對香港人，我只能對唔住，希望各位原諒，希望各位畀個機會我重新做人，畀個機會我回報社會。」
陳同佳的講話大約3分鐘，對於在場記者的提問，包括「是否覺得成為政治籌碼」、「是否自願自首」、「支唔支持送中條例」、「幾時返去台灣」，他一概沒有回答，只細聲說「對唔住、對唔住」再次鞠躬，然後由管浩鳴陪同登上七人車離去。
(資料來源：網上截圖/連結)
